Translations:On Dördüncü Söz/121/mk

На пример, во ова село по име Барла има двајца луѓе. На едниот од нив, деведесет и девет отсто од пријателите му заминале за Истанбул, добро се снашле и убаво живеат. И тој едниот што останал, ќе замине таму. Поради тоа, и тој човек доживува силен копнеж по Истанбул, размислува за него, сака повторно да се види со пријателите. И кога и да му се каже „Оди таму“, тој ќе замине среќен и насмеан.

Деведесет и девет отсто од пријателите на вториот човек исто така си заминале од ова место, и претпоставува дека дел од нив целосно пропаднале, а на останатите им се изгубила секаква трага. Претпоставува дека и тие пропаднале и исчезнале. Овој беспомошен човек, кој страда од неизлечива болест, наместо кај сите нив, тој бара утеха кај некој непознат. Со него сака да ја надмине болката од разделбата.