Beşinci Söz/mk

بِسْمِ اللّٰهِ الرَّحْمٰنِ الرَّحِيمِ

اِنَّ اللّٰهَ مَعَ الَّذ۪ينَ اتَّقَوْا وَالَّذ۪ينَ هُمْ مُحْسِنُونَ

Ако сакаш да видиш до кој степен се вис тинска должност на човекот клањањето и непра вењето големи гревови и колку е во согласност тоа со природата на создавањето на човекот, послушај ја оваа кратка приказна.

За време на мобилизација, во една чета имало два војника, од кои едниот бил обучен за својата должност и доследен во исполнувањето на обврските, а другиот бил почетник и се пове дувал по својот нефс (душа). Оној што ги усовршувал своите должности, внимавал само на своите вежби и на борбата против неприја телот. Тој воопшто не мислел на своите потреби затоа што сфатил дека обврска на државата е да го храни и да му обезбедува сè што му треба, да го лекува кога ќе се разболе, па дури и да му го стави залакот в уста, ако е потребно. Неговите основни должности биле обуката и борбата (џихад), но тоа не му пречело во извршувањето на некои секојдневни работи околу снабдувањето и исхраната, како што се готвењето и миењето и перењето.

Да го прашаат: „Што правиш?“

Би одговорил: „Ги извршувам обврските кон државата.“ Не би рекол: „Работам за свои потреби.“

Вториот војник, почетникот, кој мислел само на храна, не обраќал внимание на обуката и на борбата, би велел: „Што ми е гајле мене, тоа е работа на државата.“ Секогаш мислел само на своите потреби и се стремел кон тоа, ја оставал својата чета и одел на пазарење во град.

Еден ден, неговиот обучен пријател му рекол:

„Брате, твојата вистинска задача се обуката и борбата. Ти затоа си овде донесен. Верувај му на владетелот. Тој нема да те остави гладен. Тоа е негова обврска. Освен тоа, ти си немоќен и сиромав; не можеш насекаде да се прехраниш. Сега е воено време и време на мобилизација. Може да те прогласат за бунтовник и да те казнат. Да, пред нас има две задачи. Едната е задача на владетелот. Понекогаш, ние работиме за него без никаков надомест, а тој нас нè храни. Другата е наша задача: да тренираме и да се подготвиме за војната додека владетелот ни олеснува и ни помага.“

Можеш ли сега да сфатиш на каква опасност би бил изложен оној безумен војник кога не би го послушал оној обучениот?

Еј, мој мрзлив нефсу! Она немирно место, кое постојано се тресе од војната, е неспокојниот живот на овој свет. Војската, која е поделена на чети, е човековото поколение. А четата ги претставува Исламските припадници на ова столетие. Од оние двајца војници, пак, едниот е побожен муслиман што ги извршува своите задолжителни Верски обврски и ги избегнува големите гревови; тоа е оној богобојазлив мус лиман што се бори против својот нефс и ѓаволот, од страв да не падне во искушение и да не направи големи гревови. Оној вториот е грешен губитник, кој води сметка само за својот насу шен леб и доаѓа до степен што почнува да го обвинува Вистинскиот Снабдител на благо состојбата, ги отфрлува задолжителните обврс ки, прави гревови во сè што му наидува на патот за егзистенција. Обуката и упатствата, на чело со намазот, се богослуженија. Војната е борба на човекот со самиот себеси и со својот нефс, избегнување на гревовите и лошиот морал, отпор против сатаните меѓу џиновите и луѓето за спасение на срцето и на душата од вечна мака и погибел. Една од оние две задачи е давањето живот и неговото одржување, а втората е бого служение и молење кон Дарувачот и Снабду вачот на животот, како и верувањето и довербата во Него.

Да, Оној Кој го создал и го дарил животот со најживописно и чудотворно Мајсторство, и направил да биде извонредна мудрост на Госпо дарот, е Оној Кој го одржува и снабдува преку благосостојбата. Тоа не може да биде никој друг, освен Него. Докази ли сакаш? Најслабите и најнеразумните животни најдобро се хранат (како што се рибите и црвите во овошјето). Најбеспомошните и најкревки созданија (како што се децата и младенчињата) се хранат со најубавата храна.

Да, за да се сфати дека до алал храна не се стигнува со силата на способноста и волјата, туку со слабост и немоќност, доволно е да се споредат рибите и лисиците, младенчињата и крвожедните животни, дрвјата и животните.

Значи, оној што го изоставува намазот пора ди материјални причини, личи на оној војник што ја напуштил обуката и натстрешникот, и отишол да проси низ градот. А оној што клања намаз, без да заборави на својот дел од благо состојбата, барајќи го во кујната на Велико душниот, Дарувачот на благосостојба, за да не е на товар на другите, прави прекрасно дело. Всушност, тоа е благородност и должност.

Човековата природа и неговиот духовен систем укажуваат дека тој е создаден за богослужение бидејќи способностите со кои располага и неговата дејност во овој свет не го достигнуваат нивото ни на најмалото врапче. Меѓутоа, тој е владетел и господар на животинскиот свет од гледна точка на потребата за спознание и коли чеството од потребите, молитвите и богослуж бите, кои се неопходни за духовниот и задгро бниот живот.

Значи, еј, нефсу мој! Ако земниот живот си го поставиш како главна цел и работиш само за него, ќе се спуштиш на нивото на најмалото врапче. А ако за главна цел си го поставиш зад гробниот живот и го прифатиш земниот живот како средство и простор за негово достигнување и се стремиш целосно кон тоа, ќе бидеш во позиција на господар на животинскиот свет, многу мил и вреден служител, почесен и ценет гостин на Великодушниот Создател.

Ете ти два пата пред тебе, па избери го оној што го сакаш. А вистинскиот патоказ и помошта побарај ги од Семилостивиот Праведник.

---

Dördüncü Söz ⇐ | Sözler | ⇒ Altıncı Söz

---