Barla Lahikası 67. Mektup/mk

بِس۟مِ اللّٰهِ الرَّح۟مٰنِ الرَّحٖيمِ

(докторот што е полн со копнеж кон Рисале-и Нур и што се пробудил со нивно изучување)

Здраво, среќен докторе, ти што си воспос­ тавил дијагноза на својата болест, искрен и ценет пријателу мој!

Твоето возбудливо писмо, кое го покажува будењето на твојата душа, достојно е за честитање.

Знај: Во внатрешноста на самото постоење, животот има најголема вредност, а во рам­ ките на должностите најважна е должноста кон животот, притоа од животните должнос­ ти најважна е работата врз преобразувањето на минливиот живот во вечен.

Што се однесува до сите вредности и важности на овој живот, тие се состојат во тоа што тој претставува семка на вечниот живот, затоа што неговиот зачеток е темел. Во спротивно, посветувањето само на овој минлив живот, на начин што ќе го отруе и расипе неговиот иден живот, претставува глупост која личи на одбирање на моменталната молња во однос на вечното сонце.

Но, над сите болни, од аспект на искрената вистина, се материјалистите и невнимателните доктори. Доколку од аптеката на Возвишениот Куран успеат да ги земат иманот и лековите што се како тиријакот, ќе се излечат самите себе и рабите на човештвото, иншаллах. Ова твое будење ќе биде лек за твојата рана, а можеби ќе те направи лек и за други доктори.

Знаеш дека за еден безнадежно болен човек што очајува, понекогаш духовната утеха е покорисна од илјада други лекови. Меѓутоа, лекарот што заглавил во мочуриштето на животот, на тој безнадежно болен човек му додава уште една темнина. Иншаллах ова твое будење ќе те направи извор на утеха и светол пример на лекар за тие бедници.

Знаеш и самиот дека овој век е многу краток, а воедно е полн со работи што треба да се направат. Кога и ти како мене би почнал да пребаруваш во твојата глава, колку ли само неживи, бесполезни, непотребни, безвредни купови дрвја би пронашол во своето знаење, бидејќи и јас повторно го преиспитав своето знаење и најдов многу непотребни работи. Значи, треба да се пронајде начин како тие природни науки и филозофски знаења да се направат корисни, светли, како да се оживеат и да им се даде смисла. Тогаш и ти барај будење од Возвишениот Хак, будење што твоите размислувања ќе ги сврти кон тоа да бидат во името на Хакким-и Зулџелал (Мудриот и Севозвишениот), па со разгорувањето на тие дрвја да се осветлат и твоите размислувања. Нека полезните знаења за природата станат вредни во спознавањето на Аллах.

Паметен пријателу! Моево срце толку многу копнее за напредување на луѓето што се занимаваат со природни науки, како што е Хулуси Беј и да горат во потребата за нурот на иманот и тајните на Куранот,

што со твојата совест претпостави дека секое Слово што не потекнува од мене, туку сигурно од Куранските објави претставува писмо, рецепт од аптеката на Возвишениот Куран. Собата за разговор отвори ја со нив во четири очи со сите сетила. Иако не се гледате, ти разговарај со нив како да се присутни.

Притоа, кога и да сакаш, напиши ми писмо, а ако јас не ти одговорам, немој да ми се лутиш, бидејќи и порано на сите вас малку ви пишував. Дури и на мојот брат во текот на три години му напишав само едно единствено писмо, наспроти неговите многубројни писма.

Саид Нурси

---

Barla Lahikası 66. Mektup ⇐ | Barla Lahikası | ⇒ Barla Lahikası 68. Mektup

---