Studentët e Risale-i Nurit në universitetin e Ankarasë

Vëllezërit e mi të dashur e besnikë!

Nga letra juaj ne shquam -dalluam- një rreze prej diellit të islamit; ne kuptuam se Risale-i Nuri, i cili është shfaqur për të riparuar dëmin që i është shkaktuar islamit për qindra vite nga idetë agresive të mosbesimtarëve, tani po përhapet midis të rinjve. Dashuruesit e së vërtetës, duke udhëtuar në rrugën drejt jetës së përjetshme, janë duke i braktisur fjalët boshe të fantazisë për të asgjësuar së bashku me Risale-i Nurin farërat e mosbesimit. Letrat tuaja na nxitën për të bërë përpjekje më të mëdhaja. Risale-i Nuri, ky koment Kurani, na tregon neve se do të ishte marrëzia më e skajshme në këtë kohë të mbetesh në çudhëzim dhe të mos luftosh kundra mosbesimit. Detyra më e ngutshme tani, kur komunizmi, anarkia dhe masonëria janë duke fituar fuqi, është t‟i shërbejmë Risale-i Nurit dhe t‟ua japim atë atyre që e kërkojnë, me qëllim që të fitojmë kënaqësinë Hyjnore. Madje edhe sulmet më ta ashpra të atyre që duan të na bëjnë ne të heqim dorë nga kjo detyra jonë më e rëndësishmja, më e vlefshmja dhe më e domosdoshmja, vetëm do ta ndiznin edhe më shumë entuziazmin tonë.

Risale-i Nuri na mëson ne me provat sa vijon:

Kjo botë është një bujtinë. Ata të cilët kërkojnë jetën e përhershme janë të kënaqur deri në shkallën që ata punojnë me zell në detyrat e tyre në bujtinë. Kjo do të thotë se detyra jonë kryesore është të veprojmë për të ndihmuar ndjekësit e fesë të cilët duan të jenë të shpëtuar nga moçali, zemrat e djegura të të cilëve janë mbytur në errësirë.

Dhe duke filluar me vetveten tonë, të veprojmë si lajmëtarët e Risale-i Nurit. Është shumë e rëndësishme që në mënyrë të vazhdueshme, të vëmendshme dhe reflektive të lexojmë Risale-i Nurin, t‟i pajisim vetvetet tona me të vërtetat e Kuranit dhe të besimit që ai i përmban, dhe në këtë mënyrë të fitojmë një njohje të plotë prej tij sa më shpejtë të jetë e mundur. Gjithësecili që e merr këtë mirësi të lartë bëhet shumë i dobishëm për veten e tij, për kombin dhe vendin. Ai mund të bëhet i aftë që t‟u shërbejë vendit të tij, kombit, rinisë dhe botës islame. Ne kërkojmë duatë kyesisht të Ustadhit tonë Bediuzzamanit dhe duatë tuaja që jeni të denjë për të qenë studentët e tij të vërtetë e të sinqertë, me qëllim që ne të mund të kërkojmë, të gjejmë dhe të sigurojmë librat e Risale-i Nurit, t‟i lexojmë ato me vëmendje në mënyrë reflektive, dhe me qëllim të sinqertë, dhe të shpejtojmë për t‟i shërbyer Kuranit dhe besimit në këtë rrugë. Dëshmitë për pranueshmërinë e Risale-i Nurit janë të shumta; natyrisht do të duhej që të gjithë vëllezërit e drejtë besimtarë të ndihmojnë në shërbimin e tij.

Gjithashtu, meqenëse Risale-i Nuri mban karakteristika që e shikojnë këtë shekull në mënyrë të veçantë; dhe meqenëse ai është duartrokitur prej mijëra dijetarëve; dhe meqenëse kampioni ustadh Bediuzzamani veproi si lajmëtari i Kuranit, dhe në mënyrë të pakrahasueshme, me ndershmëri dhe me parime të shëndosha e të vërteta i kushtoi jetën e tij islamit dhe besimit, duke kërkuar vetëm kënaqësinë e Zotit dhe duke iu shmangur të gjitha dobive të kësaj bote; dhe meqenëse studentët e Risale-i Nurit gjithashtu i shërbyen besimit dhe islamit sipas parimeve të Sunitëve me të gjitha jetët dhe fuqinë e tyre dhe nuk kërkuan asnjë lloj prej interesave vetjake; dhe meqenëse qindra mijërat prej studentëve të tij e kanë provuar këtë fakt pavarësisht të gjithë persekutimit dhe kërcënimeve; dhe meqenëse të gjithë ata janë stërvitur e trajnuar për t‟u përgjigjur me logjikë e korrekt të gjitha ideve të filozofisë së tanishme; dhe meqenëse Kurani u përgjigjet të gjitha nevojave tona, dhe përfshin në mënyrë të qartë të gjitha të vërtetat e domosdoshme për ne, dhe meqenëse Kurani është dhurata më e çmueshme e Zotit të Gjithëfuqishëm, Drita dhe Mëshira e Tij; do të ishte adhurim i vërtetë dhe burim kënaqësie ta lexosh Risale-i Nurin me vëmendje, vazhdimisht dhe në mënyrë reflektive, meqenëse ai na mëson ne rreth atij thesari të Mëshirës Hyjnore dhe burimit të së vërtetës në një mënyrë që do të mund ta kuptonte gjithkush. Ai është panaceja -bari- më i efektshëm dhe ilaçi për ne të rinjtë, i cili na jep neve kënaqësinë e vërtetë dhe është shpëtimtar. Të mos e përqafosh Risale-i Nurin me të gjithë fuqinë tonë përballë të gjitha këtyre fakteve të vërtetuara, dhe të mos e studiosh atë në tërësinë e tij, kjo do të mund të ishte vetëm se rezultati i apatisë së pakujdeshme.

Çdo kërkues i vërtetë i së vërtetës duhet t'i kushtojë vëmendje mësimeve të Risale-i Nurit. Dhe çdo njeri i ndriçuar që e ndjek atë duhet ta arrijë lumturinë e vërtetë dhe duhet të kuptojë natyrën e vërtetë të gjërave. Ne studentët e Risale-i Nurit në Ankara pajtohemi unanimisht me këtë.

Duke buruar nga drita e Kuranit që tregon thesarin e jetës së amshuar, zëri i kulluar dhe i pastër i Risale-i Nurit do të dëgjohet një ditë në të gjithë botën.

Sipas një hadithi të profetit Muhammed a.s.m., “Për sa kohë që nuk do të bien pre e dëshirave të kësaj dynjaje, dijetarët islamë janë trashëgimtarët e vërtetë të profetëve”, ne e dimë se Risale-i Nuri është trashëgimtari i vërtetë i profetit Muhammed a.s.m.. Personaliteti i tij kolektiv ndjek parimet e trashëgimisë së vërtetë. Idiotët e verbër, të shurdhër dhe të pashpirt të cilët e kundërshtojnë atë, do të jenë të poshtëruar. Me kuptimin e lartë, Risale-i Nuri do të ketë si studentët e tij të gjithë filozofët dhe dijetarët dhe të gjithë njerëzit e mendjeve të shëndosha dhe të zemrave të pastërta. Kjo nuk do të jetë e largët, në dashtë Zoti; ajo do të ndodhë shpejt.

Ashtu siç kanë thënë shumë prej atyre dijetarëve, bota është në prag të një formimi të ri; ajo po kërkon dritë. Duke aluduar për këtë, poeti Mehmet Akif shkroi:

“Dërgoje tani atë dritë, o Zot, periudha të gjata kanë kaluar;

Ky komb i shkurajuar kërkon horizontet e agimit”.

Studentët e Risale-i Nurit në universitetin e Ankarasë