Onuncu Söz/mk: Revizyonlar arasındaki fark

Дојди, пријателе мој, денешниот ден е голем царски празник.(<ref>Во Деветтата вистина ќе видиш што симболизира овој образец. Празничниот ден, на пример, ја покажува пролетта, а пустината нагиздена со цвеќиња – земјината површина во оваа сезона. Глетките и сликите што се менуваат на екранот ги изразуваат видовите благосостојба, родени од пролетта и летото за луѓето и за животните, коишто Семожниот Творец – Владетелот на величието, и Семудриот создател – Владетелот на убавината – одмерува, променува во совршен ред, возобновува со полно милосрдие и испраќа непрекинати последователни периоди од почетокот на пролетта до крајот на есента.</ref>) Ќе се случат промени и ќе настапат чуда. Да тргнеме заедно да се прошетаме низ оваа пустина нагиздена со убави цвеќиња. Ете, гледај, луѓето се упатуваат натаму! Види нешто неверојатно и чудно – сите згради се рушат и добиваат друга форма! Навистина тоа е нешто чудно, затоа што урнатите градби веднаш се обновуваат и голата пустина се претвора во населен град. Види, секој час таа ти покажува нова слика и добива форма различна од претходната, небаре е филмски екран. Погледни внимателно и ќе ја забележиш убавината на беспрекорниот ред што царува на екранот. На него се мешаат и бргу се менуваат многубројни кадри. Тоа се реални слики и секое нешто во нив си го зазема реалното место со исклучителна прецизност и хармонија. Дури и кадрите родени од имагинацијата не достигнуваат толку висок степен на организираност, убавина и беспрекорност. И милиони вешти волшебници не можат да направат слични генијални дела. Следствено, невидливиот за нас голем владетел создава многу чуда.

<div lang="tr" dir="ltr" class="mw-content-ltr">